କେନ୍ଦୁଝର ୨୫।୦୫: କାକାର ଠେଙ୍ଗା ମାଡ଼ରେ ପୁତୁରା ମୃତ । କେନ୍ଦୁଝର ଜିଲ୍ଲା ସଦର ଥାନା ତାଳପଦା ଗାଁରେ ଘଟିଛି ଏଭଳି ଅଭାବନୀୟ ଘଟଣା । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଖବର ଅନୁଯାୟୀ, ତାଳପଦା ଗାଁରେ ଯୁବକ ମାତାଲ ହୋଇ ଘରେ ଖରାପ ଭାଷାରେ ଗାଳିଗୁଳଜ କରୁଥିଲେ । ଏହାସହିତ ଘରେ ମଧ୍ୟ ଝଗଡ଼ା କରୁଥିଲେ । ଏହି ସମୟରେ କାକାଙ୍କ ଠେଙ୍ଗା ମାଡ଼ରେ ପୁତୁରାର ମୃତ୍ୟୁ ହୋଇଛି । ପୋଲିସ ଘଟଣାସ୍ଥଳରେ ପହଞ୍ଚି କାକା ଶତ୍ରୁଘ୍ନ ନାଏକଙ୍କୁ ଥାନାରେ ଅଟକ ରଖିଛି ।
ସେପଟେ ମୃତଦେହକୁ ଜବତ କରି ଛାନ୍ଭିନ୍ ଜାରି ରଖିଛି ପୋଲିସ । କିଭଳି ପରିସ୍ଥିତିରେ ହତ୍ୟା କରାଗଲା । ସେନେଇ କାରଣ ଖୋଜୁଛି ପୋଲିସ ।
