ନୂଆଦିଲ୍ଲୀ ୧୯/୦୫: କରୋନା ମହାମାରୀ ଦେଶରେ ହାହାକାର ସୃଷ୍ଟି କରିଛି। କରୋନାରୁ ବଞ୍ଚିବା ପାଇଁ କିଛି ଲୋକ ସରକାରଙ୍କ ଦ୍ୱାରା ପ୍ରସ୍ତୁତ ନିୟମ ପାଳନ କରୁଥିବାବେଳେ କିଛି ଲୋକ ଦେଶୀ ଉପାୟ ଗ୍ରହଣ କରୁଛନ୍ତି। ଏହି ସମୟରେ ସାଧ୍ୱୀ ପ୍ରଜ୍ଞା ସିଂ ଠାକୁର କହିଥିଲେ ଯେ ଗାଈ ମୂତ୍ର ପିଇବା ଦ୍ୱାରା ଫୁସଫୁସ ସଂକ୍ରମଣ ଦୂର ହୋଇଥାଏ, ସାଧ୍ୱୀ ପ୍ରଜ୍ଞାଙ୍କ ଏହି ବିବୃତ୍ତିରେ ଅଭିନେତ୍ରୀ ଦେବୋଲିନା ଭଟ୍ଟାଚାର୍ଯ୍ୟ କ୍ରୋଧିତ ହୋଇଛନ୍ତି। ସେ ଏହାକୁ ନେଇ ସୋସିଆଲ ମିଡିଆରେ ଏକ ପୋଷ୍ଟ କରିଛନ୍ତି, ଯାହା ଖୁବ୍ ଭାଇରାଲ ହେବାରେ ଲାଗିଛି।
ଦେବୋଲିନା ଏକ ଖବରକାଗଜର କଟିଂ ଟ୍ୱିଟରରେ ସେୟାର କରିଛନ୍ତି, ଯେଉଁଥିରେ ସାଧ୍ୱୀ ପ୍ରଜ୍ଞାଙ୍କ ବିବୃତ୍ତି ଛପାଯାଇଛି। ଅଭିନେତ୍ରୀ ଏହାକୁ ସେୟାର କରି ଲେଖିଛନ୍ତି, ‘ମୁଁ ପ୍ରକୃତରେନିଶବ୍ଦ। ବନ୍ଦ କର ଏବଂ ଏହାକୁ ମଜା କରି ରଖିଛ ।‘
ଦେବୋଲିନାଙ୍କ ଏହି ଟ୍ୱିଟରେ ୟୁଜରମାନେ ବିଭିନ୍ନ କମେଣ୍ଟ ଦେଉଛନ୍ତି। ଜଣେ ୟୁଜର କମେଣ୍ଟ ଦେଇ ଲେଖିଛନ୍ତି, ‘ଯେଉଁଥିରେ ଯାହାର ଶ୍ରଦ୍ଧା ଏବଂ ଯାହା ଉପରେ ଯାହାର ଭରସା, ନିଜର ଚିନ୍ତାଧାରା ଏବଂ ନିଜର ଉପାୟ।’ ଯେଉଁଥିରେ ଅଭିନେତ୍ରୀ ଲେଖିଛନ୍ତି, ‘ବିଶ୍ୱାସ ଏବଂ ଅନ୍ଧବିଶ୍ୱାସ ମଧ୍ୟରେ ବହୁତ ପାର୍ଥକ୍ୟ ଅଛି । ଶ୍ରଦ୍ଧା ନିଜ ସ୍ଥାନରେ, ଔଷଧ ନିଜ ସ୍ଥାନରେ । କେବଳ ନିଜର ଏକ ପଏଣ୍ଟ ରଖିବା ପାଇଁ କିଛି ବି ପ୍ରମୋଟ କରିପାରିବେ ନାହିଁ । ‘
ସାଧ୍ୱୀ ପ୍ରଜ୍ଞା ସିଂ ଠାକୁର ଏକ ବିବୃତ୍ତିରେ କହିଥିଲେ ଯେ ଗାଈ ମୂତ୍ର ପିଇବା ଦ୍ୱାରା ଫୁସଫୁସ ସଂକ୍ରମଣ ଦୂର ହୋଇଥାଏ। ସେ କହିଥିଲେ, ‘ମୁଁ ନିଜେ ଗାଈ ମୂତ୍ର ପିଇଛି। ତେଣୁ ମୋତେ ଏପର୍ଯ୍ୟନ୍ତ କରୋନା ପାଇଁ କୌଣସି ଔଷଧ ଖାଇବାକୁ ପଡି ନାହିଁ କିମ୍ବା ମୋତେ କରୋନା ହୋଇ ନାହିଁ। ‘
