ରାଜଧାନୀ ଦିଲ୍ଲୀରେ ଦୈନିକ କରୋନା ସଂକ୍ରମଣ ହ୍ରାସ ପାଇବା ପରେ ଏବେ ଦିଲ୍ଲୀ ସରକାର ରାଜ୍ୟରେ ଲାଗିଥିବା କରୋନା କଟକଣା କୋହଳ କରିଛନ୍ତି । ଏନେଇ ଦିଲ୍ଲୀ ଡିଜାଷ୍ଟର ମ୍ୟାନେଜମେଣ୍ଟ ଅଥରେଟି ତରଫରୁ ଗୁରୁବାର ଏକ ବୈଠକ ବସିଥିଲା । ବୈଠକର ନିଷ୍ପତ୍ତି ମୁତାବକ ଏବେ ଦିଲ୍ଲୀରେ ସପ୍ତାହାନ୍ତ କର୍ଫ୍ୟୁ ଓ ବଜାରରେ ଅଡ-ଇଭନ ସିଷ୍ଟମ ସମାପ୍ତ ହେବ ।
ଅନ୍ୟପଟେ ଏବେ ବି ଦିଲ୍ଲୀରେ ନାଇଟ୍ କର୍ଫ୍ୟୁ ଜାରି ରହିବ । ସେହିଭଳି ୫୦ ପ୍ରତିଶତ କ୍ଷମତା ସହିତ ସିନେମା ହଲ ଖୋଲିବାକୁ ନିଷ୍ପତ୍ତି ନିଆଯାଇଛି । ଅନ୍ୟପଟେ ବାହାଘର ଓ ଅନ୍ୟ କାର୍ଯ୍ୟକ୍ରମରେ ସର୍ବାଧିକ ୨୦୦ ଲୋକ ଏକତ୍ରିତ ହୋଇପାରିବା ନେଇ ଲାଗିଥିବା କଟକଣା ବି ଉଠାଇ ଦିଆଯାଇଛି । ସେହିଭଳି ସରକାରୀ କାର୍ଯ୍ୟାଳୟ ୫୦ ପ୍ରତିଶତ କର୍ମଚାରୀଙ୍କୁ ନେଇ ଚାଲିବ । ଶିକ୍ଷାନୁଷ୍ଠାନ ଆଗାମୀ ନିଷ୍ପତ୍ତି ପର୍ଯ୍ୟନ୍ତ ବନ୍ଦ ରହିବ ବୋଲି ବୈଠକରେ ନିଷ୍ପତ୍ତି ନିଆଯାଇଛି ।
କହିରଖୁ କି ବୁଧବାର ଦିନ ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିଶୋଦିଆ ସ୍କୁଲ ଖୋଲିବା ନେଇ ସଂକେତ ଦେଇଥିଲେ । ସେ କହିଥିଲେ କି ଅନଲାଇନ ଶିକ୍ଷା କେବେ ବି ଅଫ୍ ଲାଇନ ଶିକ୍ଷାର ସ୍ଥାନ ନେଇପାରିବ ନାହିଁ ବୋଲି ସେ କହିଥିଲେ ।
