ମୁମ୍ବାଇ: ଲୋକପ୍ରିୟ ଟେଲି ଅଭିନେତ୍ରୀ କରିସ୍ମା ତନ୍ନାଙ୍କ ଫ୍ୟାନ୍ସ ପାଇଁ ଖାସ୍ ଖବର ରହିଛି । କରିସ୍ମା ତନ୍ନା ଓ ବରୁଣ ବଙ୍ଗେରା, ଦୁହେଁ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଗତକାଲି ବିବାହ ସମ୍ପନ୍ନ ହେବା ପରେ ଦୁହେଁ ଦାମ୍ପତ୍ୟ ଜୀବନ ଆରମ୍ଭ କରିବେ । ସୋସିଆଲ୍ ମିଡିଆରେ ଏବେ ଦୁହିଁଙ୍କ ବିବାହ ଫଟୋ ଜୋରସୋରରେ ଭାଇରାଲ୍ ହେଉଛି । ଫ୍ୟାନ୍ସ, ବନ୍ଧୁ ଓ ପରିଜନ ମାନେ କପଲ୍ ଙ୍କ ଫଟୋକୁ ସେୟାର୍ କରି ବିବାହ ନିମନ୍ତେ ଶୁଭେଚ୍ଛା ଜଣାଇଛନ୍ତି । କରିସ୍ମା ମଧ୍ୟ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଫଟୋ ସେୟାର୍ କରି ବିବାହର ଶୁଭ ମୁହୂର୍ତ୍ତକୁ ଫ୍ୟାନ୍ସଙ୍କ ସହିତ ବାଣ୍ଟିଛନ୍ତି । ଦୁହିଁଙ୍କ ଯୋଡ଼ି ଖୁବ୍ ସୁନ୍ଦର ଦେଖାଯାଉଛି ।
ଏହା ବ୍ୟତୀତ କରିସ୍ମାଙ୍କ ଫ୍ୟାନ୍ ପେଜ୍ ରେ ବିବାହ ସମୟର ଭିଡିଓ ଅପଲୋଡ୍ କରାଯାଇଛି । କ୍ୟାମେରା ସାମନାରେ ଦୁହେଁ ଖୁବ୍ ସୁନ୍ଦର୍ ପୋଜ୍ ଦେଉଥିବା ନଜର ଆସିଛନ୍ତି । ସୂଚନା ଯେ, ଗତବର୍ଷ ନଭେମ୍ବର ମାସରେ ବରୁଣ ବଙ୍ଗେରାଙ୍କ ସହିତ ନିର୍ବନ୍ଧ କରିଥିଲେ । ସେମାନଙ୍କ ଫଟୋକୁ ଏକତା କପୁରଠାରୁ ଆରମ୍ଭ କରି ଅନେକ ବଡ଼ ବଡ଼ ତାରକା ଲାଇକ୍ କମେଣ୍ଟ୍ କରିଛନ୍ତି ।
