ମୁମ୍ଵାଇ ୨୪।୦୯: ବଲିଉଡ ଖିଲାଡି କୁମାର ଅକ୍ଷୟ । ତାଙ୍କ ବୃତ୍ତିଗତ ଏବଂ ବ୍ୟକ୍ତିଗତ ଜୀବନକୁ ନେଇ ଖୁବ୍ ଆଲୋଚନାରେ ରହିଛନ୍ତି। ନିକଟରେ, କିଛି ସେଲିବ୍ରେଟ୍ ଆପାର୍ଟମେଣ୍ଟ କିଣା ଏବଂ ବିକା କରୁଥିବା ଖବର ସାମ୍ନାକୁ ଆସିଥିଲା । ବର୍ତ୍ତମାନ ଅକ୍ଷୟଙ୍କ ନାମ ମଧ୍ୟ ଏହି ତାଲିକାରେ ସାମିଲ୍ ହୋଇଛି । ଅକ୍ଷୟ ମଧ୍ୟ ମୁମ୍ବାଇର ଆନ୍ଧେରି ସ୍ଥିତ ପଶ୍ଚିମ ତାଙ୍କର ଗୋଟିଏ ସମ୍ପତ୍ତିକୁ ବିକ୍ରି କରିଛନ୍ତି। ଏହି ଆପାର୍ଟମେଣ୍ଟ ଅକ୍ଷୟଙ୍କଠାରୁ ଅରମାନ ଏବଂ ଅମାଲ ମଲିକଙ୍କ ପିତା ଡବୁ ମଲିକ କିଣିଛନ୍ତି।
ଏକ ମିଡିଆ ରିପୋର୍ଟ ଅନୁଯାୟୀ ଅକ୍ଷୟ କୁମାର ଆନ୍ଧେରି ୱେଷ୍ଟରେ ଅବସ୍ଥିତ ତାଙ୍କର ଗୋଟିଏ ଆପାର୍ଟମେଣ୍ଟ ବିକ୍ରି କରିଛନ୍ତି। କୁହାଯାଉଛି ଯେ ଅକ୍ଷୟ କୁମାର ଏହି ଆପାର୍ଟମେଣ୍ଟକୁ ୪.୧୨ କୋଟିରେ କିଣିଥିବାବେଳେ ଏହାକୁ ସେ ୬ କୋଟିରେ ବିକ୍ରି କରିଛନ୍ତି। ଗଣମାଧ୍ୟମର ରିପୋର୍ଟ ଅନୁଯାୟୀ, ଅକ୍ଷୟ କୁମାର ଏବଂ ଡବୁ ମଲିକଙ୍କ ମଧ୍ୟରେ ହୋଇଥିବା ଏହି ଚୁକ୍ତି ଅଗଷ୍ଟ୧୨ରେ କରାଯାଇଥିଲା। ଏହି ଆପାର୍ଟମେଣ୍ଟଟି ୧,୨୮୧ ବର୍ଗଫୁଟ ଏବଂ ୫୯ ବର୍ଗଫୁଟର ଏକ ବାଲକୋନି ଏରିଆ ଅଛି । ମିଡିଆ ରିପୋର୍ଟ ଅନୁଯାୟୀ, ଆନ୍ଧେରି ୱେଷ୍ଟ ବ୍ୟତୀତ ଅକ୍ଷୟ କୁମାରଙ୍କର ବୋରିଭାଲୀ, ମୁଲୁନ୍ଦ ଏବଂ ଜୁହୁରେ ମଧ୍ୟ କିଛି ସମ୍ପତ୍ତି ରହିଛି।
କାମ ବିଷୟରେ କହିବାକୁ ଗଲେ ଅକ୍ଷୟଙ୍କ ୩ଟି ଚଳଚ୍ଚିତ୍ର କିଛି ବିଶେଷ ପ୍ରଦର୍ଶନ କରିପାରି ନାହିଁ। କିନ୍ତୁ ତାଙ୍କ ହାତରେ ବହୁତ ବଡ ବଡ ଫିଲ୍ମ ଅଛି । ଯାହାକୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି । ଏହି ସମସ୍ତ ଚଳଚ୍ଚିତ୍ର ପ୍ରାୟ ୨୦୨୨-୨୩ ରିଲିଜ୍ ହେବ। ଯେଉଁଥିରେ ବିଭିନ୍ନ ତାରକା ସେମାନଙ୍କ ସହିତ ନଜର ଆସିବେ । ଏହି ସମୟରେ ଅକ୍ଷୟ କୁମାର ଫିଲ୍ମ ‘ଦି ଏଣ୍ଡ’ ସହିତ ଡିଜିଟାଲ ଡେବ୍ୟୁ କରିବାକୁ ଯାଉଛନ୍ତି।
