ଆମ୍ବେଦକରଙ୍କ ପ୍ରତିମୂର୍ତ୍ତି ଭଙ୍ଗାକୁ ନେଇ ଉତ୍ତେଜନା, ଖୋର୍ଦ୍ଧା-ଜଟଣୀ ମୁଖ୍ୟ ରାସ୍ତା ଅବରୋଧ କଲେ ଲୋକେ

ଜଟଣୀ ୨୭।୬: ଖୋର୍ଦ୍ଧା-ଜଟଣୀ ମୁଖ୍ୟ ରାସ୍ତା ବଡ଼ତୋଟାଠାରେ ଥିବା ଭାରତର ସମ୍ବିଧାନ ରଚନା କରିଥିବା ସ୍ବର୍ଗତ ଡକ୍ଟର ବାବୁ ରାଓ ଆମ୍ବେଦକରଙ୍କ ପ୍ରତିମୂର୍ତ୍ତି ଭଙ୍ଗାକୁ ନେଇ ଉତ୍ତେଜନା । ରବିବାର ରାତିରେ କେହି ଦୁର୍ବୃତ୍ତ ଭାଙ୍ଗି ଦେଇଥିବାରୁ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ଲାଗିରହିଛି । ଖୋର୍ଦ୍ଧା-ଜଟଣୀ ମୁଖ୍ୟ ରାସ୍ତାକୁ ସ୍ଥାନୀୟ ଲୋକ ଅବରୋଧ କରିଛନ୍ତି । ରାସ୍ତା ଅବରୋଧ ଯୋଗୁଁ ଖୋର୍ଦ୍ଧା-ଜଟଣୀ ମୁଖ୍ୟ ରାସ୍ତାରେ ଯାନବାହାନ ଚଳାଚଳ ଠପ୍ ହୋଇପଡିଛି । ଘଟଣାସ୍ଥଳରେ ଜଟଣୀ ପୋଲିସ ପହଞ୍ଚି ଲୋକଙ୍କୁ ବୁଝାସୁଝା କରୁଛି ।