ନୂଆଦିଲ୍ଲୀ ୨୮/୦୬: ଟ୍ରକ୍ରୁ ମିଳିଲା ୪୬ ମୃତଦେହ । ଅଧିକାଂଶ ମୃତଦେହ ପ୍ରବାସୀଙ୍କ ହୋଇଥିବା ଅନୁମାନ । ଏପରି ଅଭାବନୀୟ ଘଟଣା ଘଟିଛି ଆମେରିକାର ଟେକ୍ସାସ୍ ଆଣ୍ଟୋନିଓରେ । ସୋମବାର ଏକ ଟ୍ରେଲର୍(ଏକ ପ୍ରକାର ଟ୍ରକ୍) ମଧ୍ୟରୁ ୪୬ଟି ମୃତଦେହ ଉଦ୍ଧାର କରାଯାଇଛି । ସ୍ଥାନୀୟ ପୋଲିସ ଏନେଇ ସୂଚନା ଦେଇଛି ।
ସେନ୍ ଆଣ୍ଟୋନିଓର କେସାଟ୍ ଚ୍ୟାନେଲ୍ ଅନୁସାରେ, ଟ୍ରକଟି ସହରର ଦକ୍ଷିଣ ପ୍ରାନ୍ତରେ ଥିବା ଏକ ରେଳ ଧାରଣା ପାଖରେ ଥିଲା । ଏହାକୁ ଖୋଲିବା ପରେ ଏତେ ସଂଖ୍ୟାରେ ମୃତଦେହ ମିଳିଥିଲା । ତେବେ ସେନ୍ ଆଣ୍ଟୋନିଓ ପୋଲିସ ଘଟଣା ବାବଦରେ ଅଧିକ ତଥ୍ୟ ଦେଉନାହିଁ ।
କେସାଟର ଟ୍ୱିଟ୍ ଫଟୋ ଅନୁସାରେ, ପୋଲିସ ଗାଡି ଓ ଆମ୍ବୁଲାନ୍ସ ଏକ ବଡ ଟ୍ରକ୍ ଆଗରେ ରହିଛନ୍ତି । ଏଥିରେ ମୃତଦେହ ଲଦାଯାଉଛି । ତେବେ ସମସ୍ତ ମୃତକ ବେଆଇନ ଭାବେ ଆମେରିକାରେ ପ୍ରବେଶ କରୁଥିଲେ ବୋଲି ଅନୁମାନ କରାଯାଉଛି । ଯେଉଁଠୁ ଏହି ମୃତଦେହ ମିଳିଛି ସେଠାରୁ ମେକ୍ସିକୋ ସୀମା ୨୫୦ କିମି ଅଟେ ।
ସେଣ୍ଟ୍ ଆଣ୍ଟୋନିଓ ଅଗ୍ନିଶମବାହିନୀ ଅନୁସାରେ, ସୋମବାର ବିଳମ୍ବିତ ରାତ୍ରରେ ୧୬ ଜଣଙ୍କୁ ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେମାନଙ୍କୁ ଅଂଶୁଘାତ ହୋଇଥିବା କୁହାଯାଉଛି । ଏମାନେ ସବୁ ବନ୍ଦ ଟ୍ରକରେ ଥିଲେ ବୋଲି ସନ୍ଦେହ କରାଯାଉଛି । ଏହି ଘଟଣାରେ ୩ ଜଣଙ୍କୁ ଅଟକ ରଖାଯାଇଛି ।
ମୃତକଙ୍କ ନାଗରିକତ୍ୱ ଅସ୍ପଷ୍ଟ
ମେକ୍ସିକୋ ବୈଦେଶିକ ମନ୍ତ୍ରୀ ମାର୍ସଲୋ ଆବ୍ରାଡ୍ କହିଛନ୍ତି ଯେ, ସ୍ଥାନୀୟ ବାଣିଜ୍ୟିକ ଦୂତାବାସ ଘଟଣାସ୍ଥଳରେ ପହଁଚିଛନ୍ତି । ସମସ୍ତ ମୃତକ କେଉଁ ଦେଶର ତାହା ଜଣାପଡି ନାହିଁ । ଗତ କିଛିଦିନ ଧରି ଆମେରିକା-ମେକ୍ସିକୋ ସୀମାରେ ଅନୁପ୍ରବେଶ ସଂଖ୍ୟା ବଢିଛି । ଏହାକୁ ନଜରରେ ରଖି ବାଇଡେନ୍ ପ୍ରଶାସନ ନୂଆ ନିୟମ ଆଣିବାକୁ ପ୍ରସ୍ତୁତ ହେଉଛନ୍ତି ।
