ଟାଙ୍ଗୀ ୧୧/୦୫: ଅମାନିଆ ମତ୍ସ୍ୟଜୀବୀ, ଯେତେ କହିଲେ ମଧ୍ୟ କଥା ଶୁଣୁନାହାଁନ୍ତି । ସଚେତନ କଲେ ମଧ୍ୟ ନିର୍ଦ୍ଦେଶ ମାନୁନାହାଁନ୍ତି । ଏହି ଅମାନିଆ ମତ୍ସ୍ୟଜୀବୀଙ୍କ ବିରୋଧରେ ଆକ୍ସନ ନେବାପାଇଁ ମତ୍ସ୍ୟ ବିଭାଗ ପକ୍ଷରୁ ଆରମ୍ଭ ହୋଇଛି ଅଭିଯାନ । ସରକାର ନିର୍ଦ୍ଦେଶ ଦେଲେ ବାତ୍ୟା “ଅସାନୀ” ଯୋଗୁଁ ଚିଲିକା ମଧ୍ୟକୁ ମତ୍ସ୍ୟଜୀବୀମାନେ ଯିବେନାହିଁ ।
ମତ୍ସ୍ୟ ବିଭାଗ ପକ୍ଷରୁ ଏନେଇ ଚିଲିକା କୂଳ ଗାଁ ମାନଙ୍କରେ ସଚେତନ କରାଗଲା । ଏମିତିକି ଗତକାଲି ମତ୍ସ୍ୟ ବିଭାଗ ଘାଟ ମଧ୍ୟ ଜଗିଥିଲା । ବାତ୍ୟା ସଂକଟ ନ-ଟଳିବା ପର୍ଯ୍ୟନ୍ତ ଚିଲିକା ମଧ୍ୟକୁ ମତ୍ସ୍ୟଜୀବୀମାନେ ମାଛଧରିବା ପାଇଁ ନ-ଯିବା ପାଇଁ ମତ୍ସ୍ୟ ବିଭାଗ ଆକଟ କରାଗଲା । ହେଲେ ଅମାନିଆ ମତ୍ସ୍ୟଜୀବୀମାନେ ମାଛ ଧରିବା ପାଇଁ ଡଙ୍ଗା-ଜାଲ-କୀଳା-ବାଉଁଶ ସବୁ ଧରି ଚିଲିକା ମଧ୍ୟକୁ ପଳାଇଗଲେ ।
ସେଥିପାଇଁ ଅମାନିଆ ମତ୍ସ୍ୟଜୀବୀଙ୍କ ଉପରେ ଅଙ୍କୁଶ ଲଗାଇବା ମତ୍ସ୍ୟ ବିଭାଗ ପକ୍ଷରୁ ଆରମ୍ଭ ହୋଇଛି ଆକ୍ସନ । ଆଜି ମତ୍ସ୍ୟ ବିଭାଗ ପକ୍ଷରୁ ସ୍ଥାନୀୟ ପୋଲିସ ସହାୟତା ରେ ଚିଲିକା ମଧ୍ୟରେ ଅମାନିଆ ମତ୍ସ୍ୟଜୀବୀମାନଙ୍କ ଉପରେ ଛାଟ ବାଜିବା ଆରମ୍ଭ ହୋଇଯାଇଛି । ଜିଲ୍ଲା ମତ୍ସ୍ୟଅଧିକାରୀ ସଶାଙ୍କ ଶେଖର ସାହୁ ଏବଂ ମତ୍ସ୍ୟ ବିଭାଗର ଡେପୁଟି ଡାଇରେକ୍ଟର ଜଗଦୀଶ ପଣ୍ଡିତ , ସ୍ଥାନୀୟ ମତ୍ସ୍ୟ ଅଧିକାରୀ , ଟାଙ୍ଗୀ ଥାନା ନିରୀକ୍ଷକ ବିଜୟ କୁମାର ମଲ୍ଲିକ ଙ୍କ ନେତୃତ୍ବରେ ଗଠିତ ସ୍କ୍ୱ।ର୍ଡ ଟିମ୍ ଏବେ ଚିଲିକା ମଧ୍ୟରେ ପ୍ରବେଶ କରି ଅମାନିଆ ମତ୍ସ୍ୟଜୀବୀଙ୍କ ଡଙ୍ଗା-ଜାଲ ଇତ୍ୟାଦି ଜବତ କରାଯାଉଛି ।
ବର୍ତ୍ତମାନ ସୁଦ୍ଧା ୫୦ରୁ ଅଧିକ ଡଙ୍ଗା ଜବତ କରାଯାଇଛି ବୋଲି ଜିଲ୍ଲା ମତ୍ସ୍ୟ ବିଭାଗ ଅଧିକାରୀ ସୂଚନା ଦେଇଛନ୍ତି । ଅମାନିଆ ମତ୍ସ୍ୟଜୀବୀଙ୍କ ଡଙ୍ଗା-ଜାଲ ଜବତ କରାଯିବା ସହିତ ଡଙ୍ଗା ଲାଇସେନ୍ସ ରଦ୍ଦ କରାଯିବ । ଅମାନିଆ ମତ୍ସ୍ୟଜୀବୀଙ୍କ ବିରୁଦ୍ଧରେ ମାମଲା ରୁଜୁ କରାଯିବ ବୋଲି ସେ କହିଛନ୍ତି । କାଳୁପଡାଘାଟ , ସୋରଣ , ପାଣିଦୁଆର ଚିଲିକା ଘାଟ ଏରିଆ ରେଡ୍ କରୁଛନ୍ତି ପ୍ରଶାସନ ।
