ନୂଆଦିଲ୍ଲୀ, ୧୪୦୬ ଶ୍ରୀଲଙ୍କାର ପୂର୍ବତନ କ୍ରିକେଟର ସନତ ଜୟସୁରିୟା ପୁଣି ବିବାଦରେ । ନିଜ ବିସ୍ଫୋରକ ବ୍ୟାଟିଂ ପାଇଁ ଜଣାଶୁଣା ଜୟସୂରିୟା ନିଜ ପ୍ରେମିକାଙ୍କ ସେକ୍ସ ଭିଡିଓ ଭାଇରାଲ କରିଛନ୍ତି । ୧୯୯୬ ଶ୍ରୀଲଙ୍କା ବିଶ୍ୱକପ୍ ବିଜୟୀ ଟିମ୍ରେ ସାମିଲ ଥିବା ଏହି ଖେଳାଳି ମୋଟ୍ ୫୮୬ଟି ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି । ଏଥିରେ ୧୧୦ଟି ଟେଷ୍ଟ ଥିବା ବେଳେ ୪୪୫ଟି ଦିନିକିଆ ଓ ୩୧ଟି ଟି୨୦ ଖେଳିଛନ୍ତି । ଏହାସହ ତାଙ୍କ ଖାତାରେ ୪୪୦ଟି ଓ୍ୱିକେଟ୍ ରହିଛି ।
ଜୟସୂରିୟା କ୍ରିକେଟ ମଇଦାନରେ ଭଲ ଖେଳୁଥିଲେ ମଧ୍ୟ ପଡିଆ ବାହାରେ ଅନେକ ବିବାଦରେ ଛନ୍ଦି ହୋଇ ରହିଛନ୍ତି । କେତେବେଳେ ତାଙ୍କ ବିରୋଧରେ ଦୁର୍ନୀତି ଅଭିଯୋଗ ଆସିଥିଲା ତ ପୁଣି କେତେବେଳେ ଅନ୍ୟ କିଛି ବିବାଦ ପାଇଁ ସେ ଚର୍ଚ୍ଚାରେ ରହୁଥିଲେ । ଏପରିକି ସେ ଏକଦା ନିଜ ବାନ୍ଧବୀଙ୍କ ସେକ୍ସ ଭିଡିଓ ସେୟାର କରି ଫସି ଯାଇଥିଲେ । ତାଙ୍କ ବିରୋଧରେ ଅଭିଯୋଗ ଥିଲା ଯେ, ସେ ପ୍ରତିଶୋଧ ନେବା ପାଇଁ ବାନ୍ଧବୀଙ୍କ ସହ ଏପରି କରିଥିଲେ । ସେ ବିବାହ କରି ମଧ୍ୟ ପରକୀୟା ପ୍ରୀତିରେ ସଂପୃକ୍ତ ଥିଲେ ।
୨୦୧୭ର ଏହି ମାମଲା
ଏହି ମାମଲା ୨୦୧୭ରେ ସାମ୍ନାକୁ ଆସିଥିଲା । ସେହି ସମୟରେ ଗଣମାଧ୍ୟମ ରିପୋର୍ଟରେ କୁହାଯାଇଥିଲା ଜୟସୂରିୟା ପ୍ରେମିକାଙ୍କ ଉପରେ ପ୍ରତିଶୋଧ ନେଇଥିଲେ । କଲୋମ୍ବୋ ଟେଲିଗ୍ରାଫ୍ ଅନୁସାରେ, ପ୍ରେମିକା ଜଣଙ୍କ ନିଜର କିଛି ଘନିଷ୍ଠଙ୍କୁ ଏ ବାବଦରେ କହିଥିଲେ । ସେ କହିଥିଲେ ଯେ, ଜୟସୂରିୟାଙ୍କ ସହ ତାଙ୍କର ନିର୍ବନ୍ଧ ସରଛି ।ଏହି କାର୍ଯ୍ୟକ୍ରମ ଏଖ ମନ୍ଦିରରେ ଅନୁଷ୍ଠିତ ହୋଇଥିଲା । କାରଣ ସେହି ସମୟରେ ଜୟସୂରିଆ ନିଜ ପତ୍ନୀଙ୍କୁ ଛାଡପତ୍ର ଦେଇନଥିଲେ । ସେହି ସମୟରେ ଜୟସୂରିଆ କେବଳ ପୂର୍ବତନ କ୍ରିକେଟର ନୁହେଁ ବରଂ ମହିନ୍ଦା ରାଜପକ୍ଷେଙ୍କ ସରକାରରେ ମନ୍ତ୍ରୀ ମଧ୍ୟ ରହିଥିଲେ । ତେବେ ଏହି ମାମଲାକୁ ଚାପି ଦିଆଯାଇଥିଲା ।
ଏହା ପ୍ରଥମ ଘଟଣା ନୁହେଁ ଯେତେବେଳେ ଜୟସୂରିଆ ବିବାଦରେ ଫସିଥିଲେ । ୨୦୧୪ରେ ସେ କିଛି ଛାତ୍ରଙ୍କୁ ହିଂସା ପାଇଁ ଉସକାଇଥିବା ମଧ୍ୟ ଅଭିଯୋଗ ହୋଇଥିଲା । ତେବେ ଶ୍ରୀଲଙ୍କର ପୂର୍ବତନ କ୍ରିକେଟରଜଣଙ୍କ ସମସ୍ତ ଅଭିଯୋଗକୁ ଖଣ୍ଡନ କରିଥିଲେ ।
