ସୁନ୍ଦରଗଡ଼ ୧୮।୦୯ : କୋଇଲା ପରିବହନ ଭଡ଼ା ବୃଦ୍ଧି ଦାବିରେ ରାସ୍ତାରୋକ । ଅନିର୍ଦ୍ଦିଷ୍ଟ କାଳ ପାଇଁ ଚକା ବନ୍ଦ କଲା ସୁନ୍ଦରଗଡ଼ ମିଳିତ ଟ୍ରକ୍ ମାଲିକ ସଙ୍ଘ । ପ୍ରଶାସନ ସହ ଦୁଇ ଦିନ ଧରି ଚାଲିଥିବା ଆଲୋଚନା ବିଫଳ ହେବା ପରେ ମିଳିତ ଟ୍ରକ ମାଲିକ ସଙ୍ଘ କୋଇଲା ପରିବହନକୁ ସମ୍ପୂର୍ଣ୍ଣ ଭାବେ ବନ୍ଦ କରିଛି ।
ସେହିପରି ଭଡ଼ା ବୃଦ୍ଧି ନହେବା ପର୍ଯ୍ୟନ୍ତ ଏହି ଆନ୍ଦୋଳନ ଜାରି ରହିବ ବୋଲି କହିଛି ମିଳିତ ଟ୍ରକ୍ ମାଲିକ ସଙ୍ଘ । ଆନ୍ଦୋଳନ ଯୋଗୁଁ ରାସ୍ତାର ଉଭୟ ପାର୍ଶ୍ୱରେ ହଜାର ହଜାର କୋଇଲା ବୋଝେଇ ଟ୍ରକ ଅଟକି ରହିଛି। ବର୍ତ୍ତମାନ ତେଲ ଦର ବଢିଥିବା ବେଳେ କମ୍ପାନୀ କର୍ତ୍ତୃପକ୍ଷ ପରିବହନ ଦର ବଢାଉନଥିବାରୁ ଦେଖାଦେଇଛି ଅସନ୍ତୋଷ ।
