ପିପିଲି : ପିପିଲି ବ୍ଲକ୍ ଅନ୍ତର୍ଗତ ଚନ୍ଦ୍ରାଦେଇପୁର ପଞ୍ଚାୟତ ବ୍ରାହ୍ମଣ ସାହିରେ ଗତ କିଛିଦିନ ହେବ ବିଷାକ୍ତ ପିମ୍ପୁଡ଼ି ଆତଙ୍କ ଦେଖାଦେଇଛି। ଏବେ ପିମ୍ପୁଡ଼ି ଆକ୍ରାନ୍ତରେ ଅତିଷ୍ଠ ଲୋକେ ବାଧ୍ୟହୋଇ ଗାଁ ଛାଡ଼ୁଛନ୍ତି। ଯନ୍ତ୍ରଣା ଅସହ୍ୟ ହେବାରୁ ଗାଁର କୁମୁଦ ଦାଶ ପରିବାର ଗାଁ ଛାଡ଼ି ଏବେ ନିଜ ବନ୍ଧୁଘର ଡେଲାଙ୍ଗରେ ଆଶ୍ରୟ ନେଇଥିବାବେଳେ ରେଣୁବାଳା ଦାଶ ନିଜ ସମ୍ପର୍କୀୟ ଘର ଖୋର୍ଦ୍ଧାରେ ଅବସ୍ଥାନ କରୁଛନ୍ତି। ଅନ୍ୟପକ୍ଷରେ ଗାଁ ଲୋକେ ହନ୍ତସନ୍ତ ହେଉଥିବା ବେଳେ ଅଦ୍ୟାବଧି ଜିଲ୍ଲା କିମ୍ବା ସ୍ଥାନୀୟ ପ୍ରଶାସନର କୌଣସି ଅଧିକାରୀ ସେଠାରେ ପହଞ୍ଚିନାହାନ୍ତି। ଏ ନେଇ ଗାଁରେ ତୀବ୍ର ଅସନ୍ତୋଷ ପ୍ରକାଶ ପାଇଛି।
ଗାଁ ସାରା ଏବେ ଲକ୍ଷ ଲକ୍ଷ ନାଲି ରଙ୍ଗର ବିଷାକ୍ତ ପିମ୍ପୁଡ଼ି ଅଣ୍ତା ଦେବାସହ ବସା ବାନ୍ଧି ସାରିଲେଣି। ଏହି ପିମ୍ପୁଡ଼ି ଶରୀରକୁ ସ୍ପର୍ଶ କଲେ କୁଣ୍ତାଇ ହେବା ସହ ଘା ହୋଇଯାଉଛି ବୋଲି ୱାର୍ଡ ସଭ୍ୟ ରାଜପ୍ରସାଦ ଦାଶ କହିଛନ୍ତି। ଏହି ବିଷାକ୍ତ ପିମ୍ପୁଡ଼ି ସଂସ୍ପର୍ଶରେ ଆସି ଗାଁର ଆଶାମଣୀ ଦାଶ, ନୟନା ଦାଶଙ୍କ ସମେତ ବହୁ ଲୋକଙ୍କ ଗୋଡ଼ରେ ଘା ହୋଇଗଲାଣି। ଏହି ପିମ୍ପୁଡ଼ି କାମୁଡ଼ାରେ ସେଠାରେ ସାପ, ଝିଟିପିଟି, ଅସରପା ଓ ବିଛା ଆଦି ମରିପଡ଼ିଥିବା ମଧ୍ୟ ଦେଖିବାକୁ ମିଳିଛି। ଲୋକେ ଘରେ ତଳେ ବସି ଖାଦ୍ୟ ଖାଇ ପାରୁନାହାନ୍ତି। ଗ୍ରାମବାସୀ ଏହି ପିମ୍ପୁଡ଼ିମାନଙ୍କ ଦାଉରେ ଦର୍ଘଦିନ ହେବ ହନ୍ତସନ୍ତ ହେଉଛନ୍ତି ଓ ସେ ଏ ସମ୍ପର୍କରେ ପିପିଲି ବିଡିଓଙ୍କୁ ଅବଗତ କରାଇଛନ୍ତି ବୋଲି ସରପଞ୍ଚ ସୁରେନ୍ଦ୍ର ବେହେରା କହିଛନ୍ତି। ସେହିପରି ମଙ୍ଗଳପୁର ସ୍ବାସ୍ଥ୍ୟ ଅଧିକାରୀଙ୍କୁ ଏ ସମ୍ପର୍କରେ ଅବଗତ କରାଯାଇଛି ବୋଲି ଆଶା କର୍ମୀ ସବିତା ଦାଶ କହିଛନ୍ତି। ବିଷାକ୍ତ ପିମ୍ପୁଡ଼ି ଦାଉରୁ ଗ୍ରାମବାସୀଙ୍କୁ ରକ୍ଷା ନିମନ୍ତେ ଜିଲ୍ଲା ପ୍ରଶାସନ ତୁରନ୍ତ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ସାଧାରଣରେ ଦାବି ହୋଇଛି।
Trending
- ପ୍ରକାଶ ପାଇଲା ୟୁପିଏସସି ଆଇଏଏସ୍ ପରୀକ୍ଷା ୨୦୨୩ ଫଳ: ଆଦିତ୍ୟ ଶ୍ରୀବାସ୍ତବ ଟପ୍ପର, ଓଡ଼ିଶାର ଅନିମେଶ ପ୍ରଧାନ ଦ୍ବିତୀୟ ସ୍ଥାନରେ
- ରାସ୍ତା ପାର୍ଶ୍ଵରେ ଛିଡ଼ା ହୋଇଥିବା ବେଳେ ଚଢ଼ିଗଲା ଟ୍ରକ: ୨ ମୃତ, ଜଣେ ଗୁରୁତର
- ସିଡ୍ନୀ ଚର୍ଚ୍ଚରେ ଛୁରାମାଡ଼, ବିଶପ ଆହତ
- ଇରାନକୁ ଉଚିତ ସମୟରେ ଜବାବ ଦିଆଯିବ: ଇସ୍ରାଏଲ
- ପ୍ରଧାନ ବିଚାରପତିଙ୍କୁ ୨୧ ପୂର୍ବ ବିଚାରପତିଙ୍କ ଚିଠି
- ୨୨ ବର୍ଷରେ ଭାରତରେ ୨୩ ଲକ୍ଷ ହେକ୍ଟର ଜଙ୍ଗଲ ଧ୍ବଂସ
- କେଜ୍ରିୱାଲଙ୍କୁ ସୁପ୍ରିମକୋର୍ଟରୁ ମିଳିଲାନି ଆଶ୍ବସ୍ତି: ଆଗୁଆ ଶୁଣାଣି ପାଇଁ ମନାକଲେ
- ନିର୍ବାଚନୀ ବଣ୍ଡ୍ ରଦ୍ଦ: ‘ଦିନେ ସମସ୍ତେ ଅନୁତାପ କରିବେ’
Thursday, April 18